陳卓賢自揭童年患ADHD超硬頸 MV開水喉狂喊：帶住呢個遺憾終老

MIRROR成員陳卓賢（Ian）昨日推出2023年第一首新歌《再見寧靜海》，是首盼望人學會珍惜，不要帶著思念、遺撼終老的歌曲。MV在YouTube上架，截至今日（19/1）中午12時，已錄得近40萬點擊率。Ian邀請顏卓靈擔任MV女主角，合演一個虐心愛情故事。向來甚少喊的Ian，在MV卻變成一個喊包。

同場加映：蘇麗珊轉跑道做歌手要有強大心臟 負評不上心 感恩男友成最大後盾

{{hket:ul-video id="7408"}}{{/hket:ul-video}}

{{hket:inline-image name="325595809_228547382860764_3522960930156244453_n.jpg"}}{{/hket:inline-image}}

{{hket:inline-image name="10.JPG"}}{{/hket:inline-image}}

《再見寧靜海》由Wyman黃偉文填詞，Ian收到歌詞後，反覆看了數次，鼻酸酸的他說：「好幸福時，唔會意識到自己好幸福，所有嘢都係喺失去後，帶住遺憾終老。」為配合歌詞，導演將五月天與陳綺貞合唱的《私奔到月球》作為MV男女主角的定情之作，以『月球』將故事串連起來。Ian說：「《私奔到月球》係我向女朋友表白嘅一首歌，同《再見寧靜海》之間好有聯繫，另外音樂盒都係關於月球。去到MV最後好虐心一幕，女主角留低畀我嘅筆記，裡面都有好多嘢提到月球，想知詳細記住睇MV!」

Ian陳卓賢拒除罩同Do姐合照有苦衷 怕屋企小朋友尖叫：要準備耳塞【下一頁】

難怪他與顏卓靈在MV中輪流爆喊，他承認是真情流露，說：「由細到大都甚少喊。細個好硬頸，好曳，屬ADHD（注意力不足過動症），屋企人以前冇正視呢樣嘢，只覺得小朋友曳，就要打！但我被打時依舊好硬頸，喊都唔喊，郁都唔郁；一句話都唔講，由佢哋繼續打，打到佢哋攰為止，我都唔會道歉。大個咗之後都唔會畀自己情緒外露，情緒一湧上嚟就會好自然咁㩒番落去，有陣時演戲都會遇到呢樣嘢，feel到好感觸，情緒想要爆發出嚟，我冇刻意控制，但身體都會自然㩒低佢。今次MV第一日拍攝冒，同Cherry（顏卓靈）第一幕戲已經好有感覺，好多謝佢，演繹得好好，望住佢雙眼感受時，已經入咗戲劇個世界，感情演繹方面係完全投入，傷痛、爆喊係自然流露。」

暖男Ian@MIRROR心掛掛Fans驚喜現身生日會 「好多謝大家一路以嚟嘅陪伴」【下一頁】

Ian連踩40小時拍攝MV，通宵拍劇後隨即趕到MV現場開工，當轉換場地時，他忍不住在車上睡著了，落車時企不穩，差點跌低，Ian：「好彩隔離有人，我挨落去，否則就跌落地！係有幾個moment會不自覺想休息，但過程中唔覺得好攰，當你好投入，享受成件事，就會冇咗攰嘅感覺。導演得知我開完大通宵仲要過嚟拍MV，係有啲擔心，因為呢次演繹上嘅考驗比較大，佢擔心唔夠休息。最後都好順利呀！全部都係一take，完成到導演要求。」 

{{hket:inline-image name="324877271_152776684201525_5618971331119518203_n.jpg"}}{{/hket:inline-image}}

農曆新年將至，Ian透露要在工作中度過，說：「都冇得plan有乜嘢聚會，因為每日都要拍劇。之前平安夜、聖誕節、除夕都係拍劇，喺劇組中度過。」同時預先跟讀者、歌迷、粉絲、網民、劇迷、影迷拜個早年，道：「祝大家新年快樂！身心健康！事事順景！希望大家會鍾意《再見寧靜海》呢首歌！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】